Veil Speil

Trú schmú

2005-04-11T23:43:00.000Z

You scored as atheism. You are... an atheist, though you probably already knew this. Also, you probably have several people praying daily for your soul.

Instead of simply being "nonreligious," atheists strongly believe in the lack of existence of a higher being, or God.

atheism

92%

Paganism

79%

agnosticism

75%

Satanism

67%

Buddhism

58%

Judaism

50%

Islam

46%

Hinduism

33%

Christianity

25%

Which religion is the right one for you? (new version)
created with QuizFarm.com

Meistari Vala

2005-04-11T23:26:00.000Z

Meistari Vala, meistari Vala.
Sefur þú, sefur þú?
Hvað slær klukkan, hvað slær klukkan?
Hún slær hálf tólf, hún slær hálf tólf!!!!

Næsta haust lítur allt út fyrir að ég sé að fara í framhaldsnám!! Jibbíííí!!

Hamingjuóskir óskast!!

Ellismellur

2005-04-06T22:53:00.000Z

Elli smelli smelllll

Hrukkur nálgast á ógnarhraða og göngugrindin og gervitennurnar eru á leiðinni með ShopUSA. Á föstudaginn verð ég loksins kona!! Kerling!! Hrukkudýr!!

Nei nei nei bara djóka hehehehe, ég ætla að vera unglingur FOR EVAHHH!!!
Ég hlakka svooo til að eiga afmæli :D, ég lít á afmælisdaga sem eina daginn á árinu sem maður fær að stjórna ööööllllluuuuu, þá meina ég að maður ætti að fá að stjórna því sem allir gera og hugsa... ó já!! Drottning heimsins í einn dag. Það er svolítið erfitt því að í raunveruleikanum er maður ekki með þess konar vald (GLATAÐ)... því miður. Til dæmis er náttúrulega hræðilegt að vakna við vekjaraklukkuna og maður getur EKKI stoppað tímann og sofið í 2 klukkutíma, vaknað og sett tímann aftur af stað. Maður býst við því að fá lúðrasveit inn á skrifstofu til sín óvænt með óperusöngvara sem syngur afmælissönginn fyrir mann, en enginn kemur... Maður vill að öll umferðarljós séu græn á leiðinni heim úr vinnunni, en viti menn, þau verða rauð....

En þá er bara að líta framhjá þessum litlu hlutum og byrja daginn hlæjandi og sofna hlæjandi.. það er planið víííííííííí :D

Og já... gjafirnar... shit gjafirnar... ég vil fá 38.023 gjafir. Græðgi hugsið þið... ég segi nei... ekki græðgi. Heldur Drottning alheims!!! BWHahahahahhahahaha

Ég er ekki að tapa mér...

Valalalalaaaaaa

Ooooog hér koma myndir fyrir Kötulínu

2005-03-30T21:20:00.000Z

Sorrí Kata hvað ég er ekki búin að setja myndir hérna inn en hér er amk eitthvað..

Ásta B og Dist eitthvað að skoða í tölvunni hennar Ástu... man ekki alveg hvað þær eru að gera.... var búin að drekka of mikið af G&T þarna.

Dist og Pásta á Hressó.. víííí... pósipósipósi

Kollý litla sæta á bakvið barinn... hún er örugglega að hugsa eitthvað dónó...

Hæææææææææ

Hehehe.. það er svo erfitt að keyra og brosa og pósa og vera sætur allt á sama tíma... hún keyrði á 2 gamlar kellingar, 3 bíla og eina nýbyggingu við áreynsluna.

Hæææææææ

2005-03-30T20:50:00.000Z

og hó :D

Ég var að tala við Pástuna í gær og við vorum að ræða um ljótuna alræmdu. Hver kannast ekki við að vakna og líta í spegil og segja "Arg, er ég með ljótuna í dag!! Úffffff" En það er bara ekki svo slæmt skal ég segja ykkur. Við nefnilega komumst að því að með smá rökleysu... nei sko... ég meina sannindum, er hægt að redda deginum.
It goes something like this.....

Þið vitið nú öll saman að fallegt fólk er heimskt og ljótt fólk gáfað. Þetta eru staðreyndir sem hafa sannað sig margoft í hinum ýmsu sjónvarpsþáttum, bíómyndum og bröndurum. Hver man ekki eftir gullfallegu ljóskunni sem hristir vatnsflöskuna áður en hún tekur sopa því bragðið hefur allt sest í botninn. Þá er á hinum pólnum ljóti og bólugrafni ofurnördinn sem leysir stjarnfræðilega langar formúlur í kollinum meðan hann borðar morgunmatinn.

Með þessi fræði að leiðarljósi getur þú litið í spegilinn á morgnanna og sagt "Djöfull er ég æðislega gáfuð eitthvað í dag!!"

Þar hafiði það!!!

Katatataaaaaaaaaaaa

2005-03-29T18:28:00.000Z

Í dag er merkur dagur, í dag á Katarina Ruskí afmæli.
Rauðhettan sú er eins og alþjóð veit ekki meðal vor til að halda upp á herlegheitin en það verður bara að hafa það. Við fögnum bara sitt í hvorum heiminum... (úff, það hljómar eins og hún sé död, sem er ekki málið sko) Hamdúllan er amk glöð í hjarta sínu í dag til að fagna þessum merku tímamótum.

Húrra Húrra Húrra Húrraaaaaaaa

Skál fyrir þér Katskí

Og ég átti að skila knúsi frá Hveragerði Hwowhowhowhowho :D

Lov jú
Valalíló

Sukkið búið

2005-03-28T20:15:00.000Z

Jæja gott fólk, sukkhelgi lífs míns er lokið

Dömudjamm á föstudaginn sem breyttist í ofur-fyllerí.
Græðgin fór með mig í súkkulaði og snakki.
Búrrítóát.
Sjónvarpsgláp í lazy-boy.
Freyðivín.
Grilluð kjúklingaspjót.
Nýjasti Joey-þátturinn kominn í Ferdinand.
Vinna á morgun.
Framtíðarpælingar varðandi nám og fleira að troða sér inn í litla heilann minn. Kanínueltingaleikur í Garðabæ (ekki Hveragerður).

Vona að næsta helgi verði örlítið heilsusamlegri og andlega uppbyggileg.

Kveðja,
Speil

Sól sól skín á mig

2005-03-16T20:11:00.000-01:00

Vitiði, lífið er stutt og því skil ég barasta ekki af hverju ég sit heima og horfi á ANTM í sjónvarpinu... leyfum okkur að komast að því af hverju það er... jú, það er vegna þess að ég er í biðstöðu, bið bið bið bið... en um leið og biðinni er lokið þá bara skelli ég mér í ræktina og.. nei ekki í ræktina, ræktin tekur orku.. jú kannski smá í ræktina.. svo bara út að hitta fólk, hitta fólk og tala við fólk og kynnast fólki og læra meira um fólk... fólk er forvitnilegt og skemmtilegt ef maður leyfir sér að sjá skondnu hliðina á því.

Jáhhá.. það er málið, oooog gera eins og síðustu helgi, eftir vinnu á föstudaginn fór ég með brauð til andanna á tjörninni og spjallaði við þær.. eða.. aðallega gæsafrekjurnar sem næstum átu mig til að ná brauðinu... en þær eru samt soldið sætar híhí :)

Nú er komið að því aftur að leita að íbúð... bjánablesinn sem á íbúðina sem ég leigi ætlar að selja hana, svo ég er aftur næstum komin á götuna... skemmtilegt sígaunalíf sem ég lifi. Ætli ég hafi verið sígauni í fyrra lífi?? Það hljómar alveg ágætlega, aldrei að stoppa á einum stað lengi og kynnast fólki og svo bara stinga af til að hitta fleira fólk.. sígaunar hljóta að hafa haft mikla innsýn inn í mannfólk því þau hafa hitt svo marga.. hmm... sígaunalíf.. er það kannski málið fyrir Völuna litlu?? Nahh... ég er meira svona "hafa öryggi" kind of gal. Eða hvað????

Ullabjakk

2005-03-07T19:48:00.000-01:00

Nú er komið nóg...

ég er búin að gefast upp... ég er sammála tíkarpsenunum, fólk er ekki í lagi. Mig langar bara að slá mannkynið utanundir. Er fólk upp til hópa fífl?? ég spyr. Mikilláta, hrokafulla, hégómlega fólk!! Af hverju hagar fólk sér ekki bara vel og er tillitssamt, umburðarlynt og gott!!! Hvar er góða fólkið?? HVAR????

Er heiðarlegt og gott fólk útdautt, eða hefur það kannski aldrei verið til?? Er þetta spurning um það að bíómyndir og sjónvarp hefur búið til þessa ímynd af góðu fólki sem er réttlátt og indælt??

Eða er ég fordómafull og dómhörð helv... belja sem gefur engum séns?!?!?! (æ nei ekki belja, ég fíla ekki beljur, höfum það tík, hundar eru skárri kostur)

Hvort sem er rétt þá er þetta lose/lose situation.

Vonleysiskveðja
Vala

Biluð alveg...

2005-03-04T18:40:00.000-01:00

Í fyrsta lagi vil ég taka það fram að ég á ekkert líf svo ég hef ekki tekið neinar myndir til að sýna hérna.

Í öðru lagi held ég að ég eigi við vandamál að stríða... ég hef verið að taka eftir að ákveðinn eiginleiki minn hefur verið að ýkjast meir og meir.
Ég á það til að klára ekki hluti sjáiði til, ég er ennþá mjög hissa á því að ég hafi náð að klára lokaritgerðina mína á síðasta ári... það var kraftaverk!!! Ég bara skil það ekki. Til dæmis á ég ofboðslega erfitt með að klára þrif. Ég skil alltaf eitthvað eitt eftir, þríf alla íbúðina þangað til hún er spotless en fer ekki út með ruslapokana. Svo var ég að borða dýrindis kjúklingasalat núna rétt áðan og skálin sem maturinn er í er staðsettur við hliðina á mér... og það er einn biti eftir.. ég fæ mig ekki til að klára.. ég er ekkert úbersödd ekki halda það, heldur er ég bara með eitthvað eigiklára-syndrome. Þið hafið ekki hugmynd um það hvað ég hef oft hent "seinasta bitanum".
Þetta hlýtur að vera ástæðan fyrir því að ég er ennþá bara ég en ekki ofur-Vala. Haldiði það ekki???

Val

Myndir... veiii

2005-02-26T22:45:00.000-01:00

Hæ hó

Kata litla í rússkí á skilið að fá að sjá myndir öðru hverju frá litla skerinu og hér er smá tilraun, sjáum hvað gerist... Ég fer að vinna í að taka nýrri myndir handa þér dúlla en hér eru tvær frá áramótum.

Disd og moi á gamlárs

Kollý og Alkahóra á gamlárs

Tataaaa

Er þetta búið??

2005-02-26T12:16:00.000-01:00

Mig grunar að ég sé búin með flensuna, ég kláraði hana bara... held þaðnúbara.
Ég vona það amk, ég fór út í garð með Hveragerði áðan og ég er ekki dáin ennþá...

Vá hvað mig langar að fara að gefa öndunum brauð á eftir... og fara með Hveragerði, og sjá hvernig hún fílar endur... hvort hún ráðist á þær eða hoppi bara á bak og andbakist um tjörnina eins og riddari á gæðing. Verð að taka með mér myndavél ef það gerist...

Jæja, verð að fara að hafa til kennsludótarí. Svo er ég farin að fræðast um stærðir.

Blehh

Framtíðin

2005-02-24T08:39:00.000-01:00

Ég held stundum að ég hljóti nú bara að vera skyggn.... ég fór að velta fyrir mér framtíðinni og tataaaa... ég sverða, ég bara finn á mér að svona spilist úr þessu hjá okkur vinkonunum.

Kata: kemst í rússkí mafíuna og verður glæpamaður af lífi og sál og eftir 3 og hálft ár verður hún komin á toppinn með því að sofa hjá réttu gaurunum og drepa rest.
Kristjana: Hún mun á næstu 2 árum átta sig á því að hún á að vera blaðamaður/fréttamaður. Fær vinnu hjá 60 minutes og fær þar verkefnið "Kata, the devil herself or just an innocent curly red-head who got cought in a whirlwind of infortunate tragic incidents"
Ásta B: mun framleiða "Kata, the movie" vegna þess að fréttin verður umtöluð út um allan heim og Ástan mun græða þar helling af peningum og komast þannig inn í Hollívúdd gengið og kynnist fljótlega Pittinum góða sem er þá nýskilinn við Andjelínu Djólí og þau lifa happilí ever efter.
Ásta S: Kemst í hann krappan því Kata ræður hana sem lögmann sinn til að lögsækja allar telpurnar því henni er svo annt um orðspor sitt. Ásta tekur það að sér jafnframt því að verja hinar stelpurnar. Hún rífst við sjálfa sig í dómssalnum eins og henni er einni lagið og viti menn, hún verður frægasti lögmaður heims vegna þessa máls.. og viti menn...og hún vann málið!!!
Kollý: er vitni fyrir bæði sakborninga og sækjanda og á meðan hún ber vitni, þá teiknar hún ódauðlegar myndir af málsaðilum. Sem seljast á Sothebys á skrilljón evrur og upp frá því verður hún dýrasti og hamingjusamasti listamaður sögunnar.
Vala: fylgist með þessum ósköpum úr kastalanum sínum í fjarska. Þegar dómur fellur í dómsmálinu var komið nóg. Heimurinn þarf á henni að halda. Hún klæðir sig í gallann og skikkjuna, flýgur af stað í dómssalinn og sættir alla og flýgur svo heim áður en Americas Next Top Model byrjar, hefði náttúrulega geta tekið það upp en videoið er eitthvað bilað...

Svona verður þetta. Ég sverða ha!!! raddirnar sögðu það.... :/

Veikindi ojbara

2005-02-23T17:10:00.000-01:00

Hæbb, ég asnaðist til að ná í flensu... ég sem verð aldrei veik :( ullabjakk. Þið verðið að fyrirgefa mér en ég er að fara að væla svoldið mikið í þessu bloggi.

Anyways þá held ég að kannski náði ég í þetta hjá Kristjönu, ég er ekki viss en þetta eru rosalega lík einkenni hjá okkur, svei þér Dista!!!
Annars skiptir það ekki skít, sérstaklega þar sem hún ætlar að koma við hjá mér eftir vinnu og gefa mér súpu og skila fyrir mig videospólu vííiíí... takk fyrir það Disthildur.

Ég held ég hafi bara aldrei verið eins veik áður.. í alvörunni!!! Þetta er hræðilegt, hósti sem virðist koma úr helvíti og lætur mann svitna eins og svín, engin matarlyst, til dæmis borðaði ég einn banana og hálfan Lays snakkpoka í gær en er að reyna að borða meira í dag... gengur hægt... í fyrrinótt gat ég ekkert sofið, var bara með beinverki og gat ekki komið mér fyrir og hóstaði.
Ég vakna og geri eitthvað í 20 mín til klukkutíma (horfi á vídjó eða les blað eða horfi út í loftið) og fer svo að sofa og sef í klukkutíma. Ég labba um og lít út eins og zombie sem gleymdi að fara í make-up og hárgreiðslu. Engin orka til staðar í líkamanum til að vinna á þessu helvíti þar sem ég get ekkert borðað af viti. Ég horfði á vídjó og dvd og Joey-þættina og Desperate housewives-þættina (góðir by the way) og Lost (líka góðir). Í atriðum sem venjulega hefðu látið mig fara að væla þá kom smá gretta á andlitið og svo undarlegt "uhhh.."hljóð. Hef ekki orku í almennilegt væl!! Hræðilegt segi ég.

Ég held að ég fari ekki í vinnuna heldur á morgun... kannski ekki fyrr en eftir helgi... sjáum samt til.

Væl væl væl væl væl væl grenj grenj grenj grenj arg arg arg arg arg :(

Konudagurinn....

2005-02-21T11:04:00.000-01:00

Hann held ég skárri hjá mér heldur en hjá hinum einhleyptu stúlkunum...
Ég fékk amk konudagskvöldmat... Ég var svo heppin að pabbi og Franz elduðu handa telpunum sínum og mér var boðið að fá að sitja með og japla á indæliskjúkling.

Tvíhleypt fólk (ekki einhleypingar/einhleypur/einhleypt fólk)er alveg að græða stórt þessa dagana, valentínusardagur og konudagur strax á eftir... eða hvað??? lítum á góðu hliðarnar allar saman, þetta eru gríðarleg fjárútlát!!! Rauðar rósir eru alveg rándýrar skal ég segja ykkur... held ég... ég hef ekki keypt margar síðan... síðan... hugs... hmm... allavega mundi ég frekar eyða peningunum í vídjóspólu og popp... sem ég horfi á... ein... eða að púsla bara...

djöfulsins, þið vinnið enn og aftur þið bévítans tvíhleypur!!!!

Föstudagskvöld...

2005-02-18T20:25:00.000-01:00

Og ég sit heima... horfi á Disneymynd meðan ég er að reyna að laga tölvuna... úff.. mikið að gera hjá mér í félagslífinu.

Langar soldið að fara á tónleika hjá brósanum mínum honum Dóra en það kostar peninga sem ég þarf víst að eyða í sparnað svo ég geti kannski einhverntímann eignast mína eigin íbúð.. er samt komin með grænar af þessu ógeðslega íbúðaverði sem er að eyðileggja geðheilsu mína.

Vona að geðheilsan lifi þetta af...

Adíós amígós

Vinna schminna

2005-02-17T12:09:00.000-01:00

Ég sit í vinnunni… mér leiðist… það er lítið að gera… ég er svo úberdugleg og brjáluð að ég er búin að vinna uþb 2 aldir fram í tímann svo ég er næstum því verkefnalaus núna… svei mér fyrir að vinna eins og Spídí gonsales!!!

Ég er meira að segja búin að nýta tíma hér til að búa mér til límmiða til að líma á bjölluna heima… þið vitið, nafnið mitt datt af bjöllunni… (eða var rifið af… held reyndar að ég eigi óvin í byggingunni eða hverfinu sem rífur miða af bjöllum og hendir mjölmölflugum og ryki inn um gluggana hjá mér... já og silfurskottum!!!)

Ég er búin að raða og skipuleggja og setja í plastumslög og merkja skúffur og… hvað get ég gert???? Æ… þetta á ekki við mig, ég vinn betur og hraðar ef ég hef miiikið að gera… djö!!!

Ég held ég hugleiði bara fyrir framan tölvuna.. já… hmmmmmmmmmmmmmmmmmm hmmmmmmmmmmmmmmmmm hmmmmmmmmmmmmmmm hmmmmmmmmmmmmmm

Þetta var gott!!!

Shit, ég var að muna að ég gleymdi að skrá mig í aðdáendaklúbb Jose Feliciano!!!! Djö… fer í það núna!!

Ble ble blu blíí

Menning schmenning

2005-02-10T21:16:00.000-01:00

Ég er svo heppin þessa dagana, ég hef ekki undan að velja hvaða fríkeypis menningaratburð ég vil verða vitni að.

Fyrsti menningarhálfvitaatburðurinn í þessari viku var generalprufa leiksýningarinnar Mýrarljós eftir Marinu Carr sem var svo sniðug að skrifa leikrit sem er byggt á gríska harmleiknum Medea sem er svaka svaka drama. Ég mæli eindregið með þessari sýningu en... ég klikkaði á einu... ég kom ekki með kassa af tissjú með mér.

Annar atburðurinn var "Við erum öll Marlene Dietrich FOR" sem er sýnt í Borgarleikhúsinu og ég verð að segja... ég var ekki sátt við "boðskapinn". Ekki misskilja mig, þetta er ofboðslega flott sýning og hún hreyfir við manni, meira en ég bjóst við og vá hvað þetta var ótrúlega fallega dansað og vá vá vá.. en ég pirraðist á endinum... anyways, ef þið ætlið að fara að sjá þetta þá eeendilega gerið það og talið svo við mig ef þið viljið vita hvað ég er að meina... arg... iss... urr...

Þriðji atburðurinn verður bíó... já.. Finding Neverland.. og það verður á döfinni á morgun, svo ég læt vita hvernig mér finnst... :)

Ble ble, farin að lúlla.

Jæja þá...

2005-02-04T17:36:00.000-01:00

Nú er ég komin með ísskáp sem heitir Önundur og nýja klippingu... nú ætti líf mitt að umbreytast... og vinsamlegast kallið mig Valgerðir Voðalegu héðan í frá því planið er að vera voðalega voðaleg (orðskýringar Völu: Voðaleg = ung kona á framabraut sem gerir allt sem henni dettur i hug þegar henni dettur það í hug því lífið er of stutt)

pæling: ég las svolítið um daginn sem Jón Gnarr hinn mikli skrifaði. Hann var að spá í efnishyggju og mér fannst einn punkturinn hans vera mjög sniðugur. Pælingin er að við fæðumst inn í þennan heim nakin og við förum héðan nakin. Í millitíðinni teljum við okkur eiga hitt og þetta (hús, bíl, maka, gæludýr oþh) en í rauninnni er það bara ímyndun. Hvernig getur lífvera átt eitthvað með "húð og hári" þegar við förum ekki með neitt út úr þessu lífi þegar við svo loksins drepumst. "Að eiga eitthvað" er bara hugtak sem segir í raun ekkert nema það að við teljum okkur hafa umráðarétt á einhverju, sem gæti breyst á morgun. Samfélagið í dag virðist ganga út á það að "eiga sem mest" sem er bara blekking. Bla bla bla. Ég veit ekki alveg hvort ég sé að koma þessu rétt frá mér en mér finnst amk pælingin vera sniðug, þetta er eitthvað sem ég hef pælt í en hann er að velta þessu fyrir sér á trúarlegu nótunum.

Eignarhald er hugtak... hugtök eru búin til af mönnum.

Út frá þessu hef ég oft pælt í því að við sem Íslendingar eigum ekki Ísland... við höfum ekki einhvern heilagan rétt á því að búa á þessu landi af því að við vorum svo undarlega heppin að foreldrar okkar eru héðan. Auðvitað viljum við ekki gefa upp það sem við höfum haft til afnota (það er mannlegt) en við höfum engan rétt á því að neita öðrum um afnot af landssvæði. Ef fólk vill koma hingað til að búa hér, hver erum við að reyna að stoppa grey utanaðkomandi manneskjur sem vilja koma hingað til að hafa það betra en þau höfðu það á öðru landssvæði???

Anyways, nóg um það...

Ég ætla að fara að bjarga heiminum núna.... sjáumst síðar.

HVAÐ ER AÐ HEIMINUM???

2005-01-29T20:40:00.000-01:00

Varúð: Eftirfarandi skrif eru kvartanir og leiðindarvæl!!

Nú er mér nóg boðið!!!!
Eins og fyrri skrif benda á er ég í bílavandræðum. Það er ekki það eina sem bjátar á.

Byrjum á byrjuninni. Ég hætti að reykja um miðjan desembermánuð. Síðan þá hef ég ekki getað/viljað fara á djammið, það myndi enda í sígarettumisnotkun sem aldrei fyrr. Þar af leiðandi hef ég náð að einangrast frá mínum heittelskuðu vinum sem margir hverjir stunda skemmtanalíf borgarinnar af eldmóði. Heimilið hefur reyndar aldrei litið betur út, er alltaf að taka til (ekkert annað að gera). Vegna einangrunar hefur mér gefist meiri tími til að skoða aðstæður mínar hef ég til dæmis litið á bílinn minn og tekið eftir því að hann er ekki skoðaður (sjá "Bílavandræði" hér fyrir neðan).

Næst eyddi ég tíma í að horfa inn í ísskápinn minn. Þá kom ég auga á að frystihólfið var ekki að lokast almennilega vegna íss. Ég ákvað að loka nú hólfinu svo maturinn fengi nú verðskuldaða kælingu. Hamar var höndlaður með mikilli nákvæmni og ís var barinn burt.... nema hvað, eitthvað brast í ísskápnum og hvisshljóð byrjaði að heyrast. Ég ákvað að bjarga lífi mínu og limum með því að skella ísskápshurðinni aftur, kippti skápnum úr sambandi og spólaði út úr eldhúsinu og lokaði eftir mér. Hringdi í pabbaling og spurði kjökrandi "er ég í lífshættu? var ég að anda að mér banvænum skammti af eitri? Hvað á ég að gera? Á ég að grípa Hveragerði á eyrunum og hlaupa öskrandi út? AAAAAAAAAAAAAAAA!!!!!!!!!" (ýkjur leyfðar til áhrifaaukninga)
Ég komst að því að ég var ekki í lífshættu, ég ætti nú bara að afþýða ísskápinn og sjá hvort ég hefði einhvernveginn klippt í sundur einhverjar snúrur eða leiðslur. Það gerði ég og engar snúrur virtust skemmdar svo ég kveikti aftur á skápnum. Viti menn... hann kælir ekki.

Ég var orðin svöng þegar hér er komið sögu. Ég hafði tekið kjúklingabringu úr frysti fyrr um morguninn og var hún tilbúin til matreiðslu, ég kryddaði, ég GoggFormann-aði hana smá og skellti í eldfast mót og tróð í ofninn. Eftir stutta stund heyrist hljóð. Ég var ekkert að velta mér upp úr því. Þegar tími var kominn náði ég í ofnhanska, opna ofninn, teygi mig í eldfasta mótið. Shit!!! það er brotið í tætlur.... Bévítans mótið hafði sprungið!!!!

Eru tæki og tól að gera uppreisn??? Hvað gerði ég þeim??? Er Völuheimur að farast?? Hvað næst?? Verðskulda ég þetta?? Ef svo er, af hverju?? Svar óskast.

Bílavandræði

2005-01-25T21:16:00.000-01:00

ÆÆÆæææææ

elsku litli Hnoðrinn minn er veikur, ég fór með hann í smá tékk svo hann yrði nú örugglega í lagi þegar greyið færi í skoðun. Hvað kemur upp úr krafsinu annað en að greyið þarf smá lagfæringu.... bara svona oggulitla ponsulagfæringu, sem kostar ekki nema 80-90 þúsund íslenskar krónur!!!!!!!!!!!1 Hvað gerir maður í því?

Dánartilkynning grey bílsins er núna í veskinu mínu (lýsing á meinunum) ég fæ mig ekki til að líta aftur á snepilinn.

Hvað nú??? Eg er að safna fyrir útborgun í íbúð þessa dagana svo ég er ekki að fara að kaupa annan bíl. Er það bara Strætó aftur??? hvað verður þá um líkamsræktina?? ég nenni ekki að strætóast þangað?? AAaaaaaaaaaaaaaaaaaaaaaaaaaaaaaaaaaaa

Hjálp!!!!!

Og ekki má gleyma að...

2005-01-16T15:24:00.000-01:00

Gunni á afmæli í dag

því syng ég...

Hann á afmæli í dag, hann á afmæli í dag, hann á afmæli hann Gunni.............. Hann á afmæli í dag :D

Húrra, húrra, húrra, hann lengi lifi

Sorgleg

2005-01-16T14:51:00.000-01:00

Sumir mundu kalla mig klikk núna.

Ég var að kaupa mér stærðfræðibókina 2SN sem er stærðfræði fyrir náttúrufræðideild í framhaldsskóla. Ég hef sett mér það markmið að komast í gegnum bókina. Ég tók ekki þessa stærðfræði í framhaldsskóla, ég var á félagsfræðilínunni. Sem þýddi að ég fékk auðveldu stærðfræðina. En ég er að fara að læra þessa stærðfræði núna :).

Reyndar er þetta ekki eitthvað sem ég tók upp hjá sjálfri mér af sjúklegri lærdómsfíkn. Ég tók að mér að kenna 1 stk ungling þetta fag. Greyið var að falla svona rosalega. Þar sem ég hef ekki lært þetta áður þá er ég að rúlla í gegnum þetta núna. En það sorglega er að mér finnst þetta alveg SJÚKLEGA gaman!!!!!!

Sick segi ég!!!

nýtt ár...

2005-01-12T20:42:00.000-01:00

Vei, komið nýtt ár, fyrir nokkrum dögum síðan reyndar en það skiptir ekki máli, það er enn glænýtt :D

Ég vil endilega þakka ykkur lesendur góðir fyrir yndislegar stundir á liðnum árum. Sérstaklega vil ég þakka fjölskyldu minni (aðallega Hveragerði) sem hefur staðið með mér í gegnum súrt og sætt. Ég þakka guði fyrir allt sem hann hefur og hefur ekki gert fyrir mig... Takk kall (hahahahahaha :D ekki alveg). Ég þakka skjá einum fyrir að stela tíma mínum svona snilldarlega frá mér, og alveg án þess að ég tæki eftir því. Ég þakka sjálfri mér fyrir að nenna að skrifa þetta blogg. Ég þakka jólunum fyrir að vera til. Ég þakka Patrik Swayze fyrir að hafa leikið svona sniiiilldarlega vel í öllum sínum myndum.

Ég þakka þér!!!!!

Vont en það batnar

2004-12-14T17:59:00.000-01:00

Ég hætti þessari karlmannsvitleysu, ég nenni ekki að vera karlmaður. Líklega er þetta of erfitt fyrir mig. Ekki það að ég geti ekki lært flestar siði og venjur karlmennskunnar en það er bara eitt... ég hreinlega get ekki lært hvað allir þessir bévítans bílar heita!!! iss... hverjum er ekki sama hvort bíll sé Toyota, Skoda, Renault eða hvað þetta allt heitir, ég get ekki fyrir mitt litla líf troðið því í hausinn á mér hvernig á að þekkja þetta í sundur. Ég sé bara ekki tilganginn. Já eða fótboltinn, vá!!! Fótboltann get ég alls ekki.

Líf konu er heldur ekkert svo slæmt. Er ekki frá því að það sé bara mun betra en líf karlmannsins. Við kunnum að fara með rakakrem og alls konar snyrtivörur sem btw karlmenn eru að hamast við að læra (þeir mega ekki lengur fá hrukkur fyrir aldur fram, neineinei). Við megum gráta yfir Oprah og sætum auglýsingum. Við megum gjörsamlega allt, nema AUÐVITAÐ fá sambærileg laun og typpalingarnir... urrr... en það kemur að því!! Ég er sannfærð um það að þessi ákvörðun að halda í konuna í mér er skynsöm ákvörðun. Og hænu nú!!

Mr.Valgeirsdottir

2004-12-02T17:51:00.000-01:00

Ég fann mína karlmennsku í dag.
Ég þurfti að panta varahluti í vél í vinnunni um daginn, sendi pöntun til útlanda vegna þess að innkaupastjórinn hjá okkur var í fríi. Ég fékk senda staðfestingu á pöntuninni í dag. Hún var svohljóðandi:

"Dear Mr. Valgeirsdóttir,
Please find enclosed o/c for above order."

Ég er loksins orðin formlegur meðlimur í karlasamfélaginu.
Ætli ég fari að ropa og prumpa meira?? Ætli ég fái launahækkun?? Ætli ég finni mig knúna til að fá mér bíl með tveimur utanáliggjandi knastástum og beinni innspýtingu?? Ætli ég heilsi mínum samkarlmönnum með föstu handabandi og klappi með hinni á öxl??

Sjáum hvernig ég breytist á næstu dögum og vikum!!!!

Ég auglýsi hér með eftir:

2004-12-01T18:58:00.000-01:00

Bíl sem lekur ekki

Kanínuþjálfara sem kennir kanínum að éta ekki sófa

Hæfileikanum til að fljúga

Töfrapillu sem læknar hálsbólgu og kvef

Heimsfrið

Hæfileikanum til að breytast úr van-konu í ofur-konu

Nýrri fjarstýringu á vídeó sem var keypt í Frakklandi

Vitiði hvað???

2004-11-19T17:21:00.000-01:00

I like you

Vááááá...

2004-11-18T19:56:00.000-01:00

hvað ég er ekkert búin að skrifa í mange mange daga.... arg... en hér kem ég aftur fílefld... bíddu bíddu... hmm... ég er semsagt eins öflug og fíll... ööö, sko, hmm, nehh... þetta er nú örugglega ekki meint svona bókstaflega?? er það??? nehh.. örugglega svona bara andlega öflug sem fíll. Já, en ef ég er andlega öflug sem fíll, þá er ég náttúrulega andlega hrædd við mýs... hvað er það??? hugsihugs... þá er ég með massamikinn andlegan kraft og getu til að takast á við hvaða aðstæður sem ég lendi í... nema einhverjar einstakar aðstæður sem ég höndla ekki að díla við!! Ok, hvað er ég ekki að höndla í mínu lífi?? Hvað angrar mig þessa dagana?? Ok það er að koma mynd á þessar pælingar. Sko, ok segjum að ég sé að taka vinnuna með trompi (which I am Bwhahahahhaha :D)og félagslegt líf mitt er bara fínt... eða hvað?? jú það er sona bara í fínu lagi fyrir utan að Stjanan mín litla er horfin inn í heim kærustupara, í heim sem knúsar og knúsar og knúsar og er sætt og ég horfi á hana "slip away into the unknown" arg... kannski er það mín andlega mús??

Þarna kom það :D ég er búin að fatta þetta... mín andlega mús eru sambönd.. shit!!!
Vá hvað þetta blogg var að fara aðeins lengra inn í mína sálarkima heldur en ég lagði upp með. Tíhí :D þa esso gaman :D

Jæja, elsku lesendur, ef þið eruð til ennþá, hvað gerir maður í svona aðstæðum?? Ég var semsagt að greina mig sem sambandsfóbíusjúkling. Er málið bara að "face your fears??" og bara skella mér á eitt stykki kærasta?? Ha?? Er það málið?? Þá kemur að smá vandamáli... hvar finnur maður svoleiðis?? Ekki á djamminu, það er bara leim og halló. ?????? Hvar þá?? Hjálp!!!

Kannski er það bara ekkert málið, kannski á mar bara fara í 2ja ára intensive sálfræðiþerapíu til að verða loksins "normal"?? :/

Jæja, ég tek öllum hugmyndum fagnandi!! (ef einhver les þetta ennþá..)

Valalaaaaa

(úff.. ég held ég þurfi að komast út úr húsi, nú er ég farin á kaffihús að hitta fólk)

Minn tími er kominn

2004-10-23T11:32:00.000Z

Jæja,

þá er stundin að renna upp. Í dag er dagurinn minn!!! Eftir hálftíma legg ég af stað í háskólabíó til að útskrifast loksins. Svo verður leiðinni haldið inn í Hafnarfjörð til múttu og púttu. Klukkan 5:00 byrja svo herlegheitin. Fólk mun flæða inn til að óska mér til hamingju, éta, drekka og njóta lífsins.

Stóra spurningin er hvort ég nái að haldast í háhæluðu skónum allt kvöldið án þess að detta?!!??!!?!!

Já já Alli...

2004-10-20T19:19:00.000Z

Lestu bara postið oftar... þú hefur gott af því...

Ég erur farin að hlakka svooo mikið til helgarinar jibbíríjeijjj.... partípartípartí

Þetta verður grand og æðislegt... nema móðir mín ætlar að breyta þessu í fína veislu... rosa flott að borða og vín og læti... og viti menn... það verður haust-þema. Já ég lýg ei.... hún og systa fóru að versla skraut og drasl svo þetta verði rosa fínt og flott... arg... svo mætir þangað öll familían og svo vinirnir... það verður merkilegt að sjá hvernig útkoman verður :D öllu pakkinu blandað saman hehe...

Þetta verður mitt brúðkaup skal ég segja ykkur, vegna þess góða fólk að ég er ekki "the marrying type" svo að þetta verður stærsta veislan sem snýst um mig þangað til fimmtugsafmælisdagurinn rennur upp. Svo ég mun setja upp sparibrosið og fara í spariföt og fá marga marga marga pakka hehehhe liggaliggalái... :D

Hveragerður litla verður ekki í partíinu, svo að þið sem ætlið að mæta til að hitta krúsídúlluna, þið verðið að mæta bara í partí til mín einhverntímann seinna.

Bæjóóóóó

Letin...

2004-10-15T18:17:00.000Z

Ég er búin að vera oooof löt við að skrifa hérna, ég er með það á to-do listanum mínum að skrifa meira hérna.

Ég er búin að hafa mikið fyrir stafni undanfarið, búin að stunda bíósali landsins, fór að sjá Wimbeldon, oj oj oj, hefði ekki farið nema af því ég fékk frímiða, fór svo á Dodgeball, hún var fín, ekkert brjálæðislega fyndin en þeir standa fyrir sínu þeir Ben Stiller, Vince Vaughn og félagar, fannst Anchorman reyndar betri en það var að einhverju leyti sama crew... en svona er þetta, u win some and u lose some. Ben Stiller hefur reyndar verið að vaxa í áliti hjá mér undanfarið, hann getur verið alveg swaaakalega fyndinn á köflum :D

Ó já mar... svo fór ég aðeins út á lífið seinasta miðvikudagskvöld :D fór eftir bíó á Hressó með Kollý og félögum og viti menn, eftir smá sitjerí og blaður fer fólk að streyma inn, og ekki hvaða fólk sem er... nei maður... heldur kom íslenska landsliðið í fótbolta og það sænska líka (leikurinn var þann dag) og mergð af fólki tróðst inn... og hvern sé ég labbandi um... engan annan en Henke Larson, jú ég lýg ei... draumaprinsinn hennar Ástu minnar, og ég ræðst á símann minn og sendi henni sms um að hann sé á Hressó... hún sendir til baka "Erta djókímér! Er að fá hjartaáfall! Talaðu við hann fyrir mig plís! Hvað sem er..." Og Kollý fær þessa snilldarhugmynd, hún tekur símann hennar Kötu og röltir með hann í áttina til Henke... hringir í Ástu og segir við guttann "hey could you please talk to this girl??" og réttir honum símann hehe... og þau tala saman í smástund og Ásta greyið getur ekki sofnað næstu klukkutíma úr skjálfta og spenningi yfir því að hafa talað við goðið sitt hehehe.... góðverk dagsins!!!!! :D

Er búin að fá út úr ritgerinni, ég náði alveg en fékk enga draumaeinkunn, það skiptir reyndar ekki svo miklu máli nema svo las forstjórinn í vinnunni minni ritgerðina og hann sagði við mig "ég veit nú að þú getur betur en þetta Vala mín.... " og ég bara "uhh... djís mar.. hva meinaru ðaddna...???" en svona er þetta, ég var reyndar búin að segja öllum sem ég þekki hversu viðbjóðslega léleg ég er að skrifa ritgerðir hehe....

Þá er bara næst á dagskrá að kaupa dress í útskriftina :D hey hver vill koma í partí?? látiði mig bara vita og ég tek á móti öllum sem vilja koma og djúsa með manni, þetta verður hjá múttu og veglegar veitingar verða í boði :D jibbíríjeiii
Reyndar verður útskriftin sömu helgi og Iceland Airwaves svo ef fólk hefur eitthvað betra að gera þá skil ég það ósköp vel (NOT... ég er mikilvægari en einhverjar krappí hljómsveitir... og hafiði það!!! hehe)

Nú er ég að fara að hafa mig til svo ég komist til Stjönu í smá djúserí... en nei... Stjana var að hringja og við verðum hjá mér og förum á einhverja opnun Félags Íslenskra Teiknara... eða eitthvað álíka... vonandi að það verði einhverjar veigar í boði.... ;)

Leidör fólks!!!

Princess Bride

2004-10-03T16:20:00.000Z

Gat nú verið, ég er Inigo Montoya... sem er frábært því hann er auðvitað hetjan mín!!!

Which Princess Bride Character are You?

Fabjúless

2004-09-29T20:14:00.000Z

Liggaliggalái

ég er búin með ritgerðina... meira að segja búin að láta prenta hana út og allt... það eina sem ég þarf að gera er að mæta klukkan 10 þegar skrifstofan opnar og... og... og...
og... og... og.... hehe... hehehehe... hahahahhohohohíhíhí.... LOL
þá er þetta búið.. daddaraddaaaaaaaa!!!!!

þá er bara að vona að gaurinn felli mig ekki hehe... nehh.. hann gerir það varla
Þetta var ekki merkilegur pappír sem ég var að skrifa en mér er svoooo drullusama, mér er sama þó ég fái bara 5 því ég er búúúúin.
Þetta drasl er búið að hvíla á mér í allt of langan tíma.

Þá er að fara að gera eitthvað af viti.

Listi yfir það sem maður gerir af viti:
[ √ ] 1. Hreinsa íbúðina, taka burt öll ummerki um ritgerðasmíð
[ √ ] 2. Þvo þvott, kominn tími til
[ ִ ] 3. Finna út hvernig maður losnar við mölflugur (held ég sé með svoleiðis... ojj)
[ √ ] 4. Kaupa ryksugu, það er bara ekki nóg að vera með moppu
[ √ ] 5. Sækja sjónvarp til Kötu
[ ִ ] 6. Fara með dósir og flöskur í endurvinnsluna
[ ִ ] 7. Þrífa bílinn
[ √ ] 8. Rækta samband mitt og Hveragerðar
[ √ ] 9. HALDA UPP Á RITGERÐASKIL!!!!!!!!!!!!!!!!!!!!!!!!1

Nýtt útlit

2004-09-25T19:52:00.000Z

bleikt og sætt.... tíhíhí...

Vá

2004-09-24T19:46:00.000Z

Mig er farið að dreyma afskaplega undarlega drauma... ég þori ekki að upplýsa um hvað þeir eru hérna hérna en... ef þið viljið vita það þá skal ég hvísla því... en það fer ekki á netið :/
ég yrði send um hæl á þægilegan bólstraðan stað ef þetta kæmist út....

Anyways...

fór í bíó í gær, á Anchorman með Will Ferrell og fleirum... hehe.. hehehe... hehe...

hehe....
hehehehe...
LOL....
æ hún var ágæt.. :)

Brick karakterinn fannst mér eiga myndina og ... hehe... LOL.... San Diego=whale´s vagina atriðið... LOLOLOLOL

jæja nóg um það...

þíð verðíð bara sjáana sjálf!!!!

Núna ætla ég að reyna að komast að því hvað er nýtt í vaxmálum umbúðaframleiðenda... og fá mér rauðvín!

:(

2004-09-22T15:17:00.000Z

8 dagar eftir af helvíti.....

andlegri heilsu hrakar
matarlyst/græðgi eykst til muna (matur er það eina góða sem ég geri á daginn)
kann núna textann við Malaguena Salerosa
langar í sjónvarp meira en KFC tilboð númer 6 með tvöfaldri extra bbq sósu

til hvers??? bara til að fá gráðu??? gráða schmáða...

en ég verð að þrauka. Dreymdi að ég fór í fjölskylduferð út á land, lentum í baráttu við náttúruöflin og undarlegt dýralíf sem ég vissi ekki að væri til á Íslandi... lifðum af... þá ákvað fjölskyldan að flytja í óbyggðirnar í amk 6 mánuði, fara í smá Survivor leik. Mamma sagði að þetta væri góð reynsla fyrir okkur, hefðum bara gott af þessu. Ég panikaði og sagði "en hvað með ritgerðina?? ég verð að klára hana mamma!!!" Mamma sagði bara "þú getur klárað í vetur eða næsta vor eða eitthvað"
Ég vissi betur og sagði ákveðinni röddu "Ég verð eftir. Ein. Út af ritgerðinni"

þegar ég vaknaði vissi ég að ég yrði að klára þetta.....

Núna var það heillin!!!
ýsan bíður ofursvöl í frystinum. Langar hvort eð er ekkert í hana núna. Var að ná mér í Subway.....

Harkan

2004-09-16T21:40:00.000Z

Nú er að duga eða drepast. Ég er ekki lengur með sjónvarp. Sjónvarpið er uppfinning djöfulsins. Það rænir mann tíma frá mikilvægari þáttum lífsins. Ég get verið án sjónvarpsins og sjónvarpið getur verið án mín.

Nú verður bara Americas next top model II að spjara sig án hvatningarorða og hlýrra hugsana frá mér. Hún verður bara að díla við það og sigra án mín. Heillanornirnar verða líka að vera án mín, þrátt fyrir að sjokkið við það muni að öllum líkindum verða til þess að nokkrir sakleysingjar týna lífinu. Amy dómari hefur ekki átt minn hug lengi svo hún finnur varla fyrir þessu. Jay Leno á eftir að sakna mín, ég veit það vel. Þrátt fyrir áhorfendur í sal mun hann finna fyrir tómarúmi sem hann getur líklegast ekki fyllt.

Ég var greinilega ekki að gera mér grein fyrir þeim missi sem sjónvarpsheimurinn verður fyrir án mín. En þau munu lifa áfram án mín.... vonandi.

Brósinn minn og konan hans druslaðist til að flytja heim frá London og tóku sjónvarpið sitt aftur. :( hvað getur maður gert nema hrópað húrra fyrir því að nú neyðist ég til að halda áfram að skrifa ritgerðina, styttist í að ég skili.....

Ég hlakka svoooooo til að skila :D þá loksins get ég asnast til að eiga líf, hætta að bera þennan bagga á herðunum að eiga þetta helvíti eftir og vera með samviskubit ef ég fer út úr húsi eða horfi á einn skitinn sjónvarpsþátt (sem verða alltaf tveir eða þrír eða fleiri....)

Nýtt líf nálgast!!!!!

Þungur baggi að bera

2004-09-11T09:37:00.000Z

Ritgerðin,

hún er að fara með mig, ég vaknaði klukkan 9 á laugardagsmorgni til að halda áfram að skrifa þetta hévítans belvíti. En svona er þetta bara. Ef ég vil fá gjafir í október þá barasta verð ég að klára þetta rusl... gjafir Vala, hugsaðu um gjafirnar sem þú færð í útskriftarveislunni :D margar margar stórar þungar dýrar gjafir... fallegir borðar, glansandi pappír, undursamlega glæsileg kort á hverri gjöf :D. Gjafir sem kosta samanlagt milljónir króna.... já Vala hugsaðu um það... úff.. ég er tilbúin :D ritgerð here I come!!!!!!

Leider dúds
Hvalur Ritgerðus

Helgi...

2004-09-06T22:21:00.000Z

Helgin var alveg sú fínasta bara, fór með Distunni í smá skrall á föstudaginn og að var dúlítið fyndið :D hehe... fórum á KB þaðan sem við hröktumst út vegna þess að andrúmsloftið var undarlegt... veit ekki hvernig á öðruvísi ég gæti lýst því... en agglavega fórum við þaðan á Ölstofuna og hittum þar gamlan framhaldsskólakennarann minn (Ásta, það var garlaíslenskukennarinn okkar) og kjellingu hans. Lentum á vægast sagt í undarlegum samræðum, þau töluðu, við kinkuðum kolli, kinkuðum og kinkuðum en þegar við svo komum út þá játuðum við fyrir hvor annarri að við heyrðum bara uþb 5 orð þann klukkutíma sem við eyddum í í samræðurnar... það var sjokkerandi, ég sem ætlaði að ná að draga upp úr henni þann djúpa sannleika sem ég hélt hún hefði náð að sjúga úr þeim sem eldri eru... svekk!!!
Hlógum reyndar af okkur rassaborurnar þegar við föttuðum að hvorugar hefðu heyrt nokkuð hehehe...
Þaðan lá leið til Kollýjar þar sem við dönsuðum eins og spastískir ofvirkir rassálfar með túrett...

anyways... svo fórum við á Dís á laugardeginum... fín mynd... er ekki búin að lesa bókina ennþá en geri það kannski bara seinna...

fórum svo að horfa á Fame á sunnudagskvöldið, tek það fram að það var BARA af því að við fengum frímiða, Ívarinn leikaragarpur úr sýningunni er tengdur inn í fjölskyldu Distu og hann var svo indæll að leyfa okkur að sjá sig læv on steidsj. Hann stóð sig svakalega vel en ég mundi nú samt ekki eyða pengum til að sjá sjóvið.

Dagurinnn í dag var samt alveg klúður takk fyrir takk!!!! Helv.. vinnan var klúður dauðans og er búið að vera síðustu vikuna alla, bévítans bókhaldskerfið var að fá uppfærslu og það fór allt í klessu, var að klára að vinna úr því versta í dag og vonandi verða næstu dagar betri :) Segjum það bara :)

Einhver að spá í að taka Kela?????? Keep me posted.....

Kvalurinn

Jæja þá..

2004-09-03T22:12:00.001Z

Ég fór í siglingu.... það var bara fínt... ekkert meira en fínt... neinei!!!

bara gaman að fara með fólkinu úr vinnunni og Kollý kom með mér... hmm.... hef ekki mikið meira um það að segja

Er að fara að líta út á lífið í kvöld, er að fara að skilja músímúsímúsið mitt eftir heima, nýja músímúsið mitt er Keli sætasti kisakrútturinn sem hefur komið inn í mitt líf... en greyið er að fara að eyða síðustu dögum í lífi sínu með mér :( snökt snökt... NEMA.... hvað ef þú gætir tekið hann að þér :) já hvernig væri það, hann Keli er nefnilega ofboðslega indæll og krúttlegur, hann er reyndar haltur eftir ævintýri þar sem komu við sögu flugubastarður, ofurhugakisi og opinn gluggi. Hann er gulbröndóttur og er víst 1/4 persi eða eitthvað álíka. Með honum fylgir allt sem þarf til kattahalds, kisuklósett, kisukarfa, matardallar og eitt stykki kisi........

Ég sárbæni ykkur lesendur góðir að amk íhuga þetta, og ef það hentar ykkur ekki að leggja þá höfuð í bleyti til að reyna að muna eftir fólki sem gæti mööögulega viljað kisukrútt. Hann er ormasprautaður og geltur og allt svoleiðis sem þarf að gera við kisurgaura.

Ég mundi ættleiða hann ef ég væri ekki með kanínu sem greinilega er ekki vel við ketti, ræðst á þá og gerir þá taugaveiklaða.. Kisi greyið hvæsir ef hann rétt sér í Hveragerðina mína...
:( Hann verður hjá mér líklega í eina og hálfa viku og svo tekur eigandinn hann og lætur líklegast svæfa hann (drepa hann segi ég sko bara... urrr)

Með von um svör............

Hvalurinn

Hafsúlan...

2004-08-28T16:50:00.000Z

Hafsúlan er grey skipið sem þarf að þola okkur vinnufélagana í kvöld... mikið af þessu indæla fólki er undarlegt í glasi hehe... Þetta verður vonandi skrautleg og skemmtileg ferð :D jibbírídeijj....

Ég þurfti að vinna í morgun frá klukkan 9 og var að vinna til 3... arg... svo ég ætla að leggja mig í klukkutíma eða svo til að safna kröftum fyrir heljarinnar skemmtun og dúndurstuð.

Læt vita hvernig fór :D

Bless í bili

Seint en síðar meir skal mörgum dvelja til lengdar og um síðir

2004-08-27T17:14:00.000Z

Hæ :D

Hva segist?? Ég segi allt fínt bara!!! Ha.. hva segiru?? Hvað ég hef verið að dunda mér við síðustu daga?? Það get ég sagt þér :D

Ég hef gert margt og mikið sko, til dæmis fór ég til lokaritgerðarleiðbeinandans og hann bara skoðaði það sem ég hef gert og viti menn, hann sagði bara að þetta væri allt að koma og liti alveg út fyrir að ég gæti skilað á réttum tíma og allt!! Ég fór náttúrulega skoppandi glöð úr viðtaliu frá honum og bara skellihló úr hamingju :D

Kva meira?? jahh... ég er búin að vera dugleg við að rækta líkamann með púlsmælinn góða og hleyp eins og Ben Johnson á góðum lyfjaskammti!!! Held áfram að lyfta með harðsperruvini mínum sem virðist ekki geta losnað við harðsperrurnar hehehe... en ég náttúrulega fæ engar harðsperrur þrátt fyrir svakaleg átök :D hehe (er enn á þeirri skoðun að ég sé hin eina sanna Ofurkona) Hann heldur því reyndar fram að ég sé að svindla en ég veit betur hehe...

Jú og vitiði hvað?? Ég er að fara að sulta(djamma) á morgun, og ekki bara venjulegt sult!! heldur er þetta siglingarsult. Vinnan mín er að fara í siglingu á skipi sem heitir Hafsúlan og þar verður boðið upp á mat (drykkir ekki innifaldir í verði.. svindl!!) og svo verður bara etið og drukkið og dansað og eftir herlegheitin liggur leiðin í næturbrölt :)

Ohhh það er svo gaman hjá mér þessa dagana :D

Hey... ég var að fatta, ég fór að láta taka úr mér blóðprufu fyrir nokkrum mánuðum svo ég gæti gefið blóð og ég fór í gær í annað skiptið í alvöru aftöppun og ég er ekki frá því að ég hafi verið léttari í lund eftir það!!! Og í dag er ég með syngjandi bros á vör og ekkert getur stoppað mig (nema kannski mennirnir í hvítu sloppunum.... en við skulum vona að þeir haldi sig fjarri!! hehehe...) Anyways það sem ég var að segja var að ef við skoðum þessa breytingu þá er ég bara nokkuð viss um að ég hafi fundið eitthvað sniðugt hérna... blóð er þunglynt!!! Þe ef maður er með of mikið blóð í líkamanum þá verði maður þyngri í lund en ella........... Hver er sammála mér hérna??? Endilega kommentið á þetta þið sem lesið þetta (þið 2 eða 3 hehehe) Sendum alla þunglyndissjúklinga í aftöppun og sjáum hvað gerist!!! Ætti ég að gerast lækningagúru eða hvað!!??!?!!??

Tíhí..
þá er að fara að drífa sig af stað í matarboð til múttu og pútta... í gómsætt kjúklingasalat a la mútter

ble ble
The healing-guru

PS Ásta drífa sig svo í bloggið!!!!

Púl....

2004-08-20T22:42:00.000Z

Ég fór í ræktina í gær með vini mínum sem finnst ég ekki vera að púla nóg í ræktinni... ég fékk að fara einn hring með honum og hann lét mig púla eins og brjálæðing... "15 í viðbót" "þú getur þetta" "koma svo" "þú hættir ekkert núna" og svo framvegis...

Ég tók svipaðar æfingar og hann og hvað gerist daginn eftir... hann er með harðsperrur út um allt og ég fann fyrir örlitlum stirðleika... ég er ekki að djóka.. ég held ég sé orðin ofurkonan!!! HAHAHAHAHAHAHA!!!! Loksins!!!

Hvað tekur svo við spyr ég?? Ofurkraftar einhverskonar?? Ég held það. Bardagavél sem berst gegn glæpum... Ég fer á morgun og kaupi mér skikkju og.. nei vængi!! nei... hmm... fjólubláan spandexbúning með fjöðrum.. HAHAHA JÁ.... STAR-VEIL ER KOMIN TIL AÐ VERA!!!!! CRIMINALS BEWARE!!

Hóst hóst

2004-08-18T21:11:00.000Z

Hæjaa...

ég hætti ekki að hósta!!! var veik þegar ég fór til London og hef ekki losnað við þetta ullabjakk... fór samt í ræktina í gær tíhí :) og púlaði eins og vitleysingur þrátt fyrir minni afkastagetu en hefur verið. Ég ætla að fara aftur á morgun og taka með mér nýja púlsmælinn sem ég var að kaupa :D þetta er nú bara snilldartæki!!!! Ég tók eitthvað svona Fit test með úrið og samkvæmt því er ég "Cardiovascular fitness clasification" númer 6 sem er "very good" :D níínöönínöönííínööö :D og meira segja eru sko hóparnir bara 7 svo ef ég hoppa um einn hóp þá er ég "excellent" og þangað stefni ég!!!!

Ég vildi ekkert frekar en að vera "Excellent" :) hehe þýðir ekkert nema stefna á toppinn....

Ég hitti Storm í gær, Stormur er nýjasti fjölkyldumeðlimur Stjönu og hann er að mínu mati örlítið of sætur!!! pínkupínsuponsulítill kettlingur sem er bara 5 vikna greyið. Hann verður örugglega svooo dekraður... :D

Ég er ekki dekruð!!! Ég þarf að þrífa mitt eigið klósett og ég þarf að setja matinn minn SJÁLF á diskinn minn. Ég þarf meira að segja að vinna 5 daga vikunnar til að fá pening til að geta keypt matinn minn!!! Þetta er svoo ósanngjarnt... að hafa ekki bara einhvern til að gera allt þetta fyrir mann!!! Iss piss!!!

Leijdör píbúls

Ferðasaga

2004-08-16T17:54:00.001Z

Jæja þá,

þetta var alveg ágætis skemmtiferð í London :) sáum reyndar ekki eins mikið af selebbritíum og við vildum en það svona rættist aðeins úr því þegar ferðinni lauk...

eins og sést á seinasta commenti þá var smá partí í gangi á föstudagskveldinu hjá Dóra brósa mínum. En byrjum á byrjuninni....

Þetta byrjaði allt saman ágætlega, ég var reyndar með þokkalegt kvef sem rústar eyrunum auðvitað í fluginu :( en flugið var á réttum tíma og allt gekk fljótt og vel fyrir sig svo við María Naría komumst út úr flugstöðinni á skikkanlegum tíma. Nema hvað, við lentum á svakalega leiðinlegum leigubílsstjóra sem rukkaði okkur um f****** 32 pund á leið til Hauks og Kötu... arg... og við höfðum heyrt að það kostaði 16 pund... hvað er það, svo þegar ég spurði hann út í það þá varð hann hoppandi vitlaus og reiður... urr.... En svo komumst við á leiðarenda og þar voru líka Dóri brósi og Dísa og við smjölluðum í smá tíma og drukkum smá öl áður en við fórum í lúllið.

Dagurinn eftir byrjaði snemma og við skelltum okkur í verslunarleiðangur. Kaupikaupikaupikaupikaup, það er svo gott að kaupa og kaupa og kaupa :D gaman hjá okkur, svo hittum við brósana og kellur þeirra á pöbb og spjölluðum þar við Kanadískan póstbera/róna sem var svo indæll að taka af okkur mynd og gáfum honum bjór fyrir vikið :D hann var svooo þakklátur að hann hrósaði okkur í hástert fyrir tungumálakunnáttu og yndislegheit. Þá lá leið á tælenskan veitingastað þar sem við fengum ææææðislegan mat og vín fyrir brotabrot af því sem það myndi kosta á Fróni. Þaðan fórum við heimt til Dóra og Dísu þar sem var drukkið og dansað og galdrað og... vildi að ég gæti sett myndirnar hér sem voru teknar en... reddum því seinna. Þaðan fórum við heim að lúlla... Absinth í Red Bull er alveg ágætis drykkur skal ég segja ykkur tíhí... já og ég mæli ekki með því að setja á sig brúnkukrem þegar mar hefur fengið sér aðeins að sötra!!!!

Svo tók við þynnka í smástund á laugardeginum og verslunarferð í kjölfarið... versliversliversli.. kaupikaupikaup... Svo skal ég segja ykkur fórum við á veitingastað í Notting Hill sem heitir E&O þar sem við fengum svoo góðan mat að það hálfa væri hellingur, þetta er einhver posh staður þar sem kemur stundum frægt fólk sko... og Dísa litla hélt að hún sæi einhvern rapparagaur sem heitir Darius eitthvað svo við segjum það bara.. hann fékk sér sko Koníak í klaka (vorum við hliðina á honum á barnum)... suave guy!!!! hehe, eða þannig.

Svo var sko veitingastaðurinn á móti "Travel book store" hinni einu sönnu sem var fyrirmynd þeirrar sem var í myndinni Notting Hill :D gaman gaman.. tók myndir og allt...

Svo bara skelltum við okkur stutt á pöbb og svo skelltum við okkur heim.

Daginn eftir var Haukur brósi svo duglegur að búa til traditional english breakfast með bökuðum baunum, pylsu, eggi, beikoni, grilluðum tómat og sveppum gaman gaman... og hvað haldiði að hafi gerst næst... við María drógum Kötu í verslunarleiðangur.. :D kaupikaupikaup.... og svo bara röltum við um og skoðuðum alls konar götur og hverfi... gaman gaman...

Svo lögðum við af stað heim... snökt snökt... en... sagan er ekki búin enn... í sömu flugvél og við vorum í voru selebritís :D hehe... þar voru skal ég segja ykkur Dorrit og Eiður Smári :D svo við löbbuðum sáttar út úr flugstöðinni í Keflavík!!!!

vala voda full :)

2004-08-13T22:22:00.000Z

Hallo goda folk.
gaman i London :) það er party i gangi, ég og systkini,aeghhjjj... allt of mikid fylleri til ad eg geti talað með nógu miklu viti tíhíhíhí

held ég bara segi ykkur frá restinni þegar ég kem heim :)

Vinnivinn

2004-08-09T12:18:00.000Z

Hvernig stendur á því að það er sama hvað ég virðist vinna mikið, það klárast aldrei hrúgan af skrifborðinu mínu???

Ef einhver getur svarað því þá endilega segið mér af hverju þetta er.....

Takk fyrir takk!!

Hvað eru ritgerðir??

2004-08-08T21:44:00.000Z

Oj bara
Leiðinlegar
Óþarfar
Heimskulegar
Tímaþjófar
Fáránlegar
Asnalegar
Verri en allt
Glataðar
Ekki umhverfisvænar
Uppfinning Satans
Illar

Any comments???

Update....

2004-08-06T21:01:00.000Z

Sigurvegarar kvöldsins voru Kollý og Kata..... þær voru "Lead singers" hvorki meira né minna.... ég náði hátt í byrjunm ég var "Rising star" en... það var ekki sigur, ekki eftir að þær kellur tóku míkrófónana og brilleruðu eins og þeim einum er lagið, var reyndar skelkuð þegar þær ætluðu að taka "Móðurmálið" (raddað og allt!!!)

Núna er ég að berjast við sjálfa mig, á ég að kíkja út með Stjönu eða á ég að halda áfram að velta ritgerðinni fyrir mér??? Býst við að ég kíki aðeins út en réttlæti það með því að ræða ritgerðina fram og til baka!!!! Og komist vonandi að einhverri góðri niðurstöðu....

Hvða ætli kosti annars að fá einhvern til að skrifa fyrir mann ritgerð???

Var boðið að fara í sumarbústaðarferð um helgina, en ég fór ekki :( það er gaman að fara í sumarbústað!!!! Sérstaklega þar sem er gítar og afspyrnumikið af útprentuðum sönglögum..... andsk... (Vala þó, það er óþarfi að blóta!!!) En svona er þessi ritgerð að fara með mann!! :/

Mig langar að knúsa... hvaðan ætli þetta orð komi??? Knús, knyllingar, knoss, knésetja... nehh, bíðið augnablik, ætla að athuga hvort ég finni eitthvað um það í orðabók....

knúsa, -aði s knosa, mylja

svona var það... ohh.. mig langar að mylja einhvern!!!!! en enginn til staðar :(

Stríð

2004-07-31T20:42:00.000Z

Jæja þá lesendur góðir

Í kvöld verður barátta á Ásvallagötunni. Barátta upp á líf og dauða!!!

Moi og fleiri ætlum að berjast um það hver er besti söngvarinn og dansarinn... Æran í húfi!!!!

Playstation 2 er undursamleg uppfinning.

Úrslit verða kynnt síðar.

Kveðja, Hvalurinn

Öl og kanínuvandamál

2004-07-29T19:21:00.000Z

Trallallaaa...

það er fimmtudagur fyrir verslunarmannahelgi og ég er í góðum gír... díddíríí...
Ég ætla að líta út með ms.Beljubotn og við ætlum að fá okkur öllara.

Ef einhver vill hitta okkur þá verðum við líklegast á Kaffibarnum, glaðar og sáttar við lífið og tilveruna með bjór í annarri og sígó í hinni :)

Grey kanínan mín hún er í klikkaðri fýlu út í mig. Hún asnaðist til að sleikja á sér hálsinn þar til að myndaðist skallablettur... ég sá mig tilneydda til að setja skerm á hausinn á henni, og hvað gerir litla krúsídúllan mín? Jú, hún kúkar á gólfið... stórum mjúkum hlussukúk... ulll... hún heldur að ef hún mótmælir þá taki ég skerminn af... u got another thing coming baby... :) en hún er bara svo sæt með þennan skerm hehehe... heldur áfram að reyna að sleikja hálsinn en sleikir bara skerminn í staðinn... svo mikil mús!!! :)

Matarboðið mikla

2004-07-25T22:43:00.000Z

Góðan og blessaðan....

Hefur ykkur einhverntímann fundist þið vera milli steins og sleggju... bara spyr....

Anyways, þá bauð ég fullt fullt af fólki heim til mín á föstudagin til að gefa þeim fisk að borða, nema það voru þrjú stykki sem borða ekki fisk... hvað er það???? Og ég sem bý til svo rosa góðan fisk... snökt, snökt... en það var kjúlli í staðinn. Þetta kvöld heppnaðist rosalega vel. Þeir sem borðuðu fiskinn voru amk nógu kurteisir til að segja "mmmmm..." á réttum stöðum :) hehe...

Mikið drukkið mikið gaman, mikið talað, mikið daðrað....

Síðan er ég búin að vera mjög þunn... mjög eftir mig en í dag :) var góður dagur.

Byrjaði á því að Dista hringir og spyr hvort ég vilji koma í sund... Góð hugmynd, önnur var að fæðast. Við ákveðum að fara á Nordica Spa að láta dekra við okkur.. mmmm.... fengum nudd hjá Pedro vini okkar.. gott gott gott!!!!
Þegar við komum svo inn í skiptiklefann heyrðum við tvær eldri konur spjalla...
Kona 1:"Hæ esskan, á ekki að fá sér nudd??"
Kona 2:"Jú gvöð ég held það nú, hef ekki fengið nudd síðan... jahh... síðan á miðvikudaginn... kominn tími á mig ha!!!"
Kona 1:"Vá... ég veit nákvæmlega hvað þú ert að tala um"

Arg... þær voru að veina yfir því hvað þær hafa það slæmt... komast ekki annan hvern dag í nudd... erfitt líf!!!!

Komið nóg í dag... ætla að velta mér upp úr því hvað ég hef það erfit.... steinn og sleggja here I come!!!!

Fólk er alveg snarklikkað

2004-07-20T00:14:00.000Z

Heyjó...

ég ætlaði svo innilega að hafa matarboð í kvöld til að kokka fiskinn allan sem var veiddur um helgina en nei... fólk þykist ekki geta komið á mánudagskveldi. Held að mánudagurinn sé búinn að taka yfir sem "hvíldardagurinn" fólk er svo þreytt alltaf eftir erfiði helganna. Þarf að hvíla sig eftir fyrsta vinnudag vikunnar. Veislan færist yfir á föstudag... held að ég þurfi að fá meiri mat... það eru svo margir sem vilja koma... og enn nokkrir sem ég á eftir að tala við sem ég vil endilega að komi. Og svo eru örfáir sem eru með sjávarréttaóþol og matvendni svo kannski býð ég upp á eitthvað fleira en fislkingana.

Hitti Gunnann minn í ræktinni, hann er alveg snarvitlaus í þessu púli sínu. Mætir á hverjum virkum degi og er verður fjólublár af áreynslu í hverju einasta tæki í salnum. Svo hefur hann ekki reykt í 2 ár og er farinn að borða gras alltaf í hádeginu og kjúkling í kvöldmat... þetta kalla ég gott... enda er hann að hönkast upp eins og brjálæðingur.

Ég var að missa enn fleiri vini í dag til údlanda... Nú eru I og A flutt til Singapúr og ætla að vera þar lengi lengi held ég. Hvað er fólk að flýja héðan??? Ísland er skógi vaxið land með yndislega veðráttu og maturinn kostar ekkert og fólkið hér er yndislegt og fordómalaust og stjórn landsins er í höndum friðelskandi krúttlinga.... hmm....

Hvað ætli flugmiði aðra leiðina til Botswana kosti???

2004-07-18T21:07:00.000Z

Hæjaaa!!!!

Var að koma heim úr sveitaferð, gaman gaman gaman!!!

Ég fór með fjölskyldunni út í sveitasæluna og ég veiddi fiska... fjóra fiska!!!!! Veiddi bleikjukrútt sem verða borðaðuð á morgun. Ég tek það fram að ég er ekki stolt af þessu framferði mínu. Að drepa grey litlu fiskadúllurnar... :( en ég tel mér trú um að ég barasta hafi þetta í blóðinu. Var búin að semja við sjálfa mig að drepa ekki dýr. En hvað gerðist um helgina?? Jú, blóðþyrsta fjölskyldan mín tók með veiðigræjur fyrir mig og... need I say more??? Hef ekki haldið á veiðistöng í 10 ár og svo koma þessar aðstæður upp!!! Veiðivatn og veiðigræjur og maðkar og fiskar hoppandi upp úr vatninu fyrir framan mig...... eðlið sagði til sín og ég greip græjurnar og byrjaði að kasta. Fiskarnir bitu á einn af öðrum og ég varð blóðþyrstari og gráðugri með hverri mínútunni.

Ég kenni foreldrum mínum um. Við systkinin fengum í hendurnar barnastöng bráðung og okkur var kennd veiðifræðin að jöfnu við stafrófinu. Ég held að jafvel vissum við ekki að maðkar væru til nema til þess eins að vera þræddir upp á öngul og notaðir til að tæla fiskgrey á diskinn okkar. Við fylgdumst með foreldrunum á hverju sumri hala inn silungum í kílóavís. Ég gat ekkert gert í þessari aðstöðu um helgina nema láta undan blóðþorstanum.... (afsakanir, afsakanir alltaf hreint!!!)

Eftir veiðiævintýrin var mér boðið með í nokkrur önnur vötn og ár í næsta mánuði.... þarf að sjá til hvort samviskan sigri eðlið.....

Kaldhæðni oj bara... ég var að taka próf á netinu og viti menn, af karakterum úr Finding Nemo er ég Dory, bjartsýnt fiskgrey sem er alltaf glöð og hamingjusöm.....

Hvaða karakter úr Finding Nemo ertu þú???

2004-07-16T01:26:00.000Z

Hveragerður

Ég á kanínu sem heitir Hveragerður, hún er einhverskonar dvergkanínuafbrigði. Hún er kolsvört og lítil og afskaplega mikið krútt.

Ég veit ekki hvenær hún á afmæli, en ég fékk hana vegna þess að hún átti ekki gott foreldri. Fyrsti eigandinn hennar misþyrmdi greyinu, hleypti henni aldrei út úr búrinu og svo þegar hún loksins slapp út þá vildi hún auðvitað ekki fara aftur inn í búrið svo eigandinn reyndi að koma henni inn með öllu illu. Kanínan gaf sig ekki og svo loksins þegar eigandinn komst í færi sparkaði helvítið í grey litlu dúlluna. Stuttu seinna fékk Hveragerður aðra foreldra sem voru betri en sá fyrsti. Hveragerður fékk að fara oftar úr búrinu en eigandinn hafði ekki nægan tíma til að sinna henni svo leitin byrjaði að næsta foreldri. Þar kem ég til sögunnar. Vinkona eigandans var vinkona systur minnar og þannig kom krúttið inn í líf mitt. Ég sættist á að taka hana að mér.

Til að byrja með var litla krúttið mjög stygg (skiljanlega þar sem þessi tvíleggja fyrirbæri höfðu verið vond við hana í fortíðinni) en fljótlega fór hún að nálgast mann og breyttist dramatískt mikið á stuttum tíma. Í dag er hún sambýliskanínan mín. Hún býr með mér og á sína staði í íbúðinni sem hún ver með kjafti og klóm og hún má eiga þá staði fyrir mér. Hún hefur sinn tilverurétt og er aldrei lokuð inni í búri lengur. Hún lærði að nota kassann sinn sem klósett og annars má hún ráfa um íbúðina eins og hún vill.

Oj hún er svo sæt.... úff...

Ástæðan fyrir því að ég er að blaðra svona mikið um hana er að hún fór í pössun fyrr í kvöld hjá Distu frænku. Ég er að fara út á land um helgina og einhver þarf að knúsa hana og gefa henni að borða. Svo ég er að fara að sofa í kanínulausri íbúð í nótt... snökt snökt...

Ég sakna hennar... sakna þess að heyra í henni tæta í sig sófann minn... sakna þess að heyra í henni spóla á gólfinu því hún heyrði eitthvað hljóð sem hún var ekki sátt við.... sakna þess að fylgjast með henni reyna að þrífa á sér hálsinn með því að sleikja hann og detta næstum aftur fyrir sig.... sakna Hveragerðar....

Fæ hana aftur á sunnudaginn tíhí...

2004-07-14T21:49:00.000Z

Jæja þá,

ég er ekki stolt af því að skrifa svona lítið á bloggið mitt.. snökt snökt... finn víst alltaf eitthvað að gera annað en að skrifa á bloggið... úff...

en nú hef ég smá tíma.. nokkrar mínútur sem fara í uppbyggilegar skriftir.

Ég vinn í bókhaldi og í dag vorum við að loka seinasta mánuði og lokuðum þannig öllum seinasta hálfa ári og hálfsársuppgjör er málið. Allt búið!!! ohhh.. það er svo gott og gaman...

nú er komið að því að fara að kíkja í sumarfrí, og í þetta sinn alveg í næstum tvær vikur (tók bara eina í seinasta mánuði) og það byrjar vel, er að fara út á land með múttu, systu og Franzlingnum. Slappa af í sveitinni og fara á hestbak og labba meðfram sjónum og svo auðvitað skrifa ritgerðina mína :) þetta byrjar vel og mun vonandi vera framúrskarandi og productive tími, mun vonandi hálfklára ritgerðina :) vonandi.... bara að sjá hvað gerist....

og by the way þá er plokkfiskurinn á Hressó alveg tjúllandi góður!!!!

Leiter dúds....

2004-07-04T14:55:00.000Z

Hmmmmmmmm

ég var að enda við að tala við manneskju sem hefur mjög undarlegar skoðanir á svolitlu sem skiptir mig gífulega miklu máli, en það eru blessuð gæludýrin. Ég alltaf talið að það sé gott að fólk sé misjafnt og allir hafa rétt á sínum skoðunum, en ég verð stundum svolítið hissa....

Málið er að ég er manneskja sem er mjög hrifin af dýrum, hef allt mitt líf leitað í dýr og viljað klappa, tala við, knúsa, og leika við þau. Ég fór út í gönguferðir með nær alla hunda í norðurbæ Hafnarfjarðar (foreldrar mínir gáfu bara leyfir fyrir hálfum naggrís og fiskabúri).
Ég er sannfærð um að það sé mjög gefandi fyrir alla að eiga gæludýr. Rannsóknir hafa til dæmis sýnt fram á að þegar fólk klappar og knúsar dýr þá framleiðir líkaminn eitthvað dúndurgott efni (ehh.. man ekki alveg hvaða...) sem lætur manni líða vel og bottomlænið í rannsókninni var að það vinnur á móti þunglyndi að klappa dýrum. (Læknar ættu kannski frekar að skrifa upp á hunda frekar en prozac...)

Ég er líka viss um að það sé þroskandi fyrir börn (og þá er ég líka að tala um fullorðin börn...) að þurfa að hugsa um aðra rassa en sinn eiginn.
Bla bla... það sem ég er í grundvallaratriðum að segja er að að ég er dýravinur.

Daddaradammdammdaaa... Svo lendi ég í samræðum við manneskju sem hefur ekki mínar skoðanir á þessu tiltekna máli (sem er undarlegt því að mínar skoðanir eru náttúrulega þær einu réttu!!!!). Viðkomandi finnst td fólk vera "eitthvað snar" ef það talar við dýrin sín, "eins og þau skilji mann döhh!!" hver segir að hinir loðnu félagar þurfi að skilja orðin þegar það er nærveran, knúsið, klappið og málrómurinn sem skiptir meginmáli. Þetta eru lífverur eins og við og þær þurfa hlýju, nærveru og félagsskap rétt eins og mannfólkið. Nýfædd börn skilja okkur ekki en við tölum við þau og knúsum þau. En.... er ég kannski á villigötum??? Hefur vinur minn kannski rétt fyrir sér??? Nehh... eða... jahh.. ég ætti kannski ekki að vera svona viss í minni sök... æ, ég held ég þurfi að hringja eitt símtal í viðkomandi og biðjast afsökunar, hann hafi auðvitað haft rétt fyrir sér allan tímann... Já eftir mikla umhugsun hef ég séð ljósið... við skulum frekar setja nýfæddu börnin í vögguna með vasadiskó sem spilar "Íslenska fyrir ungbörn" og þegar barnið er farið bera merki þess að það sé farið að skilja nokkur orð þá skulum við sækja það og hleypa því inn í hinn siðmenntaða talandi heim!!!

2004-07-02T22:37:00.000Z

Jæja þá, nú er að byrja aftur... var að fá þráðlaust net og er því komin með tækifæri til að fara að skrifa aðeins meir á þessa sætu síðu.

Er ekki enn orðin ofurhvalur en... það er bara allt í lagi... þetta blóðflokkamataræði er ekki alveg að vera nógu hentugt fyrir dömu í fullri vinnu með lítinn tíma. Ekki nógu góðar aðstæður til að láta fóðrið stjórna sér.

En... er farin að skella í mig matskeið af lýsi á morgnanna, sem er auðveldara en ég hélt, þetta er ekki eins vont og mig minnti.... ekkert namm en...

jæja.. lesumst síðar og góða nótt!!!

2004-04-13T23:30:00.000Z

Jæja... ofurkonan mætt.. en er ekki orðin ofurkona enn... andsk... helv... osfrv.
Þetta blóðflokkamataræði er ofsalega erfitt skal ég segja ykkur, ég reyni og reyni og reyni og reyni, ég hélt út í nokkra daga... svo átti ég afmæli og eins og allir vita sem eru með eitthvað í kollinum þá eru afmælisdagar dekurdagar. Og hvað þýðir það í Völuheimi??? Það get ég sagt ykkur. Það þýðir að Valan má allt... Valan getur allt.... Valan er allt... Valan étur allt..... Og hvað gerðist svo?? Svo voru páskar með tilheyrandi súkkulaðiáti, reyndar er súkkulaði leyfilegt í mínum flokki en líklega ekki í þessu magni sem það var innbyrt.... úff...

2004-03-30T21:09:00.000Z

Jæja, þá er þetta komið, loksins get ég tjáð mig á íslensku.... hahahahaha!!! Oooooog svo við höfum það á hreinu þá er ég enn þeirrar skoðunar að blogg sé apó... En ég var því miður neydd til þess að skrifa amk nokkur orð, þeir taki það til sín sem vilja... urr.... bött hír gós...

Ég sit nú á kaffihúsi með hann Ferdinand sem er lappinn minn, mín stoð og stytta í leit minni að hamingju og gleði.... Hann er búinn að vera óvirkur í laaaangan tíma þar sem hann hefur ekki verið tengdur við umheiminn Greyið, þetta er allt mér að kenna. Fyrirgefðu Ferdinand minn. Héðan í frá verður þú tengdur við allt það sem þú vilt. Svo fremi sem ég nenni að kíkja út á kaffihús sem er með þráðlaust net....

En jæja, af hverju er ég hér???????? Vell..... ég nefnilega fann að ég þurfti að fara á uppskriftir.is að læra nýjar uppskriftir, læralæralæra að elda það sem ég hef ekki eldað áður. Og af hverju spyrð þú... Jú, af því að ég var að starta nýjum lífsstíl. Ég var að byrja að borða eftir blóðflokknum. :)

Ég var ótrúlega efins þegar ég heyrði um þetta fyrst. Þetta hljómar eins og út úr beljubotni. EN, svo heyrði ég eina mjög svo jákvæða reynslusögu frá kunningjum mínum svo ég fór að hugsa með mér "Ég les bókina amk og fræðist um þetta fyrirbæri" Og viti menn og konur, þetta bara allt sprottið upp úr vísindalegum pælingum. Og ekki nóg með það , heldur er þetta nógu rökrétt til þess að ég, raunsæisbrjálæðingurinn, er að prófa þetta. Gaman gaman :) Ég ætla að athuga hvort ég haldi þetta út í 2 vikur og sjá til hvort mér líði eins ofurkonu. Hmmm... ofurkona... hehe... ohh vá.... það væri gaman að vera ofurkona :)

I will become Super-whale!!!!!!!

Læt vita þegar það gerist....

ble blehhhh

2004-03-30T21:08:00.000Z

HAHAHAHAHAHAHA!!!!!! Ég get skrifað íslenska stafi... liggaliggalái!!!!!!!!!

2004-03-30T20:55:00.000Z

Please, elsku síða, vertu með íslenska stafi.....